سیکریٹری خوراک خیبر پختونخوا کی صوبے میں آٹے کی قیمتیں بڑھنے کی تردید

خیبر پختونخوا کے سیکریٹری خوراک کا کہنا ہے کہ صوبے میں آٹے کی قیمتیں نہیں بڑھیں، عید کی چھٹیوں کے باعث ڈیلر آٹا نہیں لائے۔

انہوں نے کہا کہ پنجاب سے آٹے کی سپلائی پر کوئی پابندی نہیں، جبکہ مارکیٹ میں آٹے کی کمی کا بھی کوئی مسئلہ نہیں ہے۔

جلسے سے خطاب کرتے ہوئے وزیراعظم نے شانگلہ میں میڈیکل کالج بنانے کا اعلان کیا۔

سیکریٹری خوراک خیبر پختونخوا کا کہنا تھا کہ افغانستان آٹے کی اسمگلنگ روکنے کے لیے چیک پوسٹیں قائم کردی ہیں۔

ان کا یہ بھی کہنا تھا کہ افغانستان کے لیے آٹے کی اسمگلنگ کا کوئی کیس رپورٹ نہیں ہوا۔

خیال رہے کہ اس سے قبل پنجاب اور خیبر پختونخوا میں آٹے کی قیمت میں اضافے کی خبریں منظر عام پر آئی تھیں۔

آٹا ڈیلرز ایسوسی ایشن کا کہنا تھا کہ پنجاب سے خیبر پختونخوا کو آٹے کی ترسیل 18 اپریل سے بند ہے۔

بشکریہ جنگ