سندھ کے ساحلی علاقوں میں آج بارش کی پیش گوئی

سندھ کے ساحلی علاقوں میں آج گرج چمک کے ساتھ بارش کی پیش گوئی کی گئی ہے۔

محکمہ موسمیات کا کہنا ہے کہ آج پنجاب کے بعض علاقوں، جنوبی خیبر پختونخوا اور کشمیر میں بھی بارش کا امکان ہے۔

گزشتہ روز بھی کراچی کے مختلف علاقوں میں بوندا باندی ہوئی، جبکہ تیز ہواؤں کے باعث شہر کا موسم خوشگوار رہا۔

اُدھر راولپنڈی اور اسلام آباد کے مختلف علاقوں میں گزشتہ روز موسلادھار بارش ہوئی۔

بابوسر ٹاپ اور گردونواح میں بھی تیز بارش ہوئی جبکہ دیامر اور گردونواح میں سیلابی صورتحال رہی۔

بشکریہ جنگ