سندھ حکومت کا منافع خوروں کےخلاف بھرپور کارروائی کا فیصلہ

سندھ حکومت نے رمضان المبارک میں منافع خوروں کے خلاف بھرپور کارروائی کرنے کا فیصلہ کیا ہے۔

ایک بیان میں چیف سیکریٹری سندھ نے کہا کہ رمضان میں منافع خوروں کے خلاف کارروائی کی جائے، جن پر جرمانے کی حد 1 لاکھ روپے کی گئی ہے۔

چیف سیکریٹری سندھ کے مطابق دُکان 30 روز کے لیے سیل کرکے تمام اشیاء کی سرکاری نرخوں پر نیلامی کی جائے گی۔

چیف سیکریٹری صوبے کے تمام ڈویژنل کمشنر کو روزانہ کی بنیاد پر رپورٹ جمع کرانے کی ہدایت کی۔

چیف سیکریٹری نے مزید کہا کہ بچت بازاروں میں آٹا، گھی، چینی اور دیگر اشیاء کی فراہمی یقینی بنائی جائے۔

انہوں نے یہ بھی کہا کہ 78 لاکھ گھرانوں کو آٹے کی مد میں سبسڈی کی منظوری دی گئی ہے۔

بشکریہ جنگ