سابق وزیراعظم عمران خان کا ایک اور یوٹرن

سابق وزیراعظم عمران خان نے ایک اور یو ٹرن لے لیا۔ سری لنکا کے جس صدر سے مہنگائی کم کرنے کے گرُ سیکھے تھے، اسی کو چور قرار دے دیا۔

لیہ میں جلسے سے خطاب کرتے ہوئے عمران خان نے کہا کہ سری لنکا کا صدر جان بچا کر بھاگ رہا تھا، اسے ایئر پورٹ پر ہی روک لیا گیا۔

منگل کو سابق وزیراعظم عمران خان نے بھکر میں جلسے سے خطاب کرتے ہوئے ایک بار پھر لوٹوں کو تنقید کا نشانہ بنایا تھا اور لوٹوں کو شکست دینے کا اعلان بھی کیا۔

انہوں نے کہا کہ نواز شریف کے لندن محل کی طرح ان کے بھی امریکا میں محل ہیں، لوگ یہ کہہ رہے ہیں کہ یہ چوری کا پیسا ہے۔

اس سے پہلے دورہ سری لنکا کے دوران عمران خان نے کہا تھا کہ سری لنکن صدر نے انہیں مہنگائی کم کرنے کے گُر بتائے ہیں جن پر وہ وطن واپس جا کر عمل کریں گے۔

بشکریہ جنگ