سابق سری لنکن ٹیسٹ کرکٹر ہشان تلکارتنے کی جاوید میانداد سے ملاقات

سری لنکا کے سابق ٹیسٹ کرکٹر ہشان تلکارتنے نے پاکستانی لیجنڈ بیٹر جاوید میاں داد سے کراچی میں ملاقات کی ہے۔

سری لنکن ویمنز ٹیم کے ہیڈ کوچ ہشان تلکارتنے نے سابق پاکستانی کپتان سے اُن کے گھر جاکر ملاقات کی۔

پریس کانفرنس کے دوران تلکارتنے کا کہنا تھا کہ جاوید میانداد اُن کے فیورٹ کھلاڑی ہیں۔

اس ملاقات میں سری لنکن ویمنز ٹیم کے اسسٹنٹ کوچ اور ٹرینر بھی موجود تھے۔

ملاقات میں پاکستانی ٹیسٹ کرکٹر اور جاوید میاں داد کے بھانجے فیصل اقبال بھی موجود تھے۔

جاوید میاں داد اور ہشان تلکارتنے نے اس ملاقات میں اپنی پرانی یادوں کو تازہ کیا۔

واضح رہے کہ پاکستان کے دورے پر آئی ہوئی سری لنکن ویمن کرکٹ ٹیم کے ہیڈ کوچ اور سابق کپتان ہشان تلکارتنے نے لیجنڈری کھلاڑی جاوید میانداد سے ملاقات کی خواہش ظاہر کی تھی۔

بشکریہ جنگ