سابق آئی جی جیل نصرت منگن کی ضمانت منظور

احتساب عدالت نے سندھ پولیس کے سابق آئی جی جیل نصرت منگن کی ضمانت منظور کرلی۔

نصرت منگن کی 5 لاکھ روپے کے مچلکوں کے عوض ضمانت منظور کی گئی ہے۔

عدالت نے نصرت منگن کو 12 فروری کو دوبارہ پیش ہونے کا حکم بھی دیا ہے۔

نیب کراچی کا کہنا ہے کہ نصرت منگھن کے خلاف آمدن سے زائد اثاثے بنانے سے متعلق نیب انکوائری جاری ہے، ان پر آمدن سے زائد اثاثے بنانے کا الزام بھی ہے۔

بشکریہ جنگ