سابق امریکی خاتون ریسلر 30 سال کی عمر میں چل بسیں

امریکا سے تعلق رکھنے والی سابق ریسلر سارہ لی 30 سال کی عمر میں چل بسیں۔

غیرملکی میڈیا کے مطابق سارہ لی کی والدہ نے بیٹی کی موت کی خبر سوشل میڈیا پر شیئر کی، جس کے بعد موجودہ اور سابق ریسلرز کی جانب سے دکھ کا اظہار کیا گیا۔

خاتون ریسلر نکی ایش نے سوشل میڈیا پر سارہ لی کے ساتھ ماضی کی تصاویر شیئر کرتے ہوئے لکھا کہ آپ کئی حوالوں سے بہت اچھی تھیں، جو اپنے دوستوں اور اہلخانہ سے بہت محبت کرتی تھی۔

ایک اور خاتون ریسلر چیلسی گرین نے سارہ لی کی موت پر اظہار دکھ کرتے ہوئے لکھا کہ کوئی بھی ٹوئٹ یا کتنے بھی الفاظ اس خوبصورت انسان کو واپس نہیں لاسکتے۔

ڈبلیو ڈبلیو ای نے بھی سارہ لی کی موت پر تعزیتی پیغام جاری کرتے ہوئے کہا کہ سارہ کھیلوں سے وابستہ شخصیات کے لیے متاثر کن تھیں۔

سارہ لی نے 2015ء میں ریسلنگ کا ایک ریئلٹی مقابلہ جیتا تھا۔ ان کے دیگر اہلخانہ میں شوہر اور 3 بچے شامل ہیں۔

بشکریہ جنگ