زرمبادلہ ذخائر مزید 34 کروڑ ڈالر کم ہوگئے، اسٹیٹ بینک

اسٹیٹ بینک آف پاکستان (ایس بی پی) کے مطابق ملکی زرمبادلہ ذخائر 34 کروڑ ڈالر کم ہوگئے۔ 

مرکزی بینک کے اعلامیے کے مطابق ملکی زرمبادلہ ذخائر 7 اکتوبر تک 13 ارب 24 کروڑ ڈالر رہے۔

اعلامیہ میں بتایا گیا کہ اسٹیٹ بینک کے ذخائر 30 کروڑ ڈالر کم ہو کر 7 ارب 59 کروڑ ڈالر رہے۔

اسی طرح کمرشل بینکوں کے ذخائر 3 کروڑ 91 لاکھ ڈالر کم ہو کر 5 ارب 64 کروڑ ڈالر رہے۔

اسٹیٹ بینک کے مطابق کمرشل قرض اور یورو بانڈ سود ادائیگی کے سبب زرمبادلہ ذخائر کم ہوئے۔

بشکریہ جنگ