روپے کی قدر بہتر، PSX میں کاروبار کا مثبت رحجان

انٹر بینک میں دن کے آغاز پر ہی ڈالر کی قدر میں1 روپے 37 پیسے کی کمی ریکارڈ کی گئی ہے۔

انٹر بینک میں اب سے کچھ دیر پہلے تک 1 روپے 37 پیسے کی کمی کے بعد ایک ڈالر 205 روپے 50 پیسے کا ہوگیا ہے۔

دوسری جانب پاکستان اسٹاک ایکسچینج میں بھی کاروبار کا مثبت آغاز ہوا ہے۔

پی ایس ایکس میں اب سے کچھ دیر پہلے تک  100 انڈیکس 60 پوائنٹس اضافے کے ساتھ 41 ہزار 700 کی سطح پر موجود ہے۔

گزشتہ روز انٹر بینک میں روپے کے مقابلے میں ڈالر کی قیمت میں کمی کا رحجان برقرار رہا اور ڈالر 1.30 پیسے جبکہ اوپن مارکیٹ میں 50 پیسے سستا ہوا۔

یورو اور پاؤنڈ کی قیمت میں بھی کمی دیکھی گئی۔

بشکریہ جنگ