راولپنڈی میں آزاد کشمیرکی 3 نشستوں پر کل انتخاب ہو گا

آزاد کشمیر میں ہونے والے عام انتخابات کے سلسلے میں راولپنڈی میں مہاجرینِ کشمیر کی 3 نشستوں پر کل انتخاب لڑا جائے گا، انتخابی سامان کی ترسیل جاری ہے۔

خیبر پختون خوا میں آزاد کشمیر کے عام انتخابات کے لیے 2 حلقوں حلقہ ایل اے 45 کشمیر ویلی 6 اور ایل اے 39 جموں کے لیے پولنگ کل ہو گی۔

ریٹرننگ افسر شاہین غزل کے مطابق انتخابی سامان کی ترسیل آج رات تک مکمل کر لی جائے گی، الیکشن کے سامان کی ترسیل کیلئے سیکیورٹی کے سخت انتظامات کیئے گئے ہیں۔

انہوں نے بتایا کہ ہر پولنگ اسٹیشن کے سامان کے لیے الگ الگ سیکیورٹی انتظامات کیئے گئے ہیں، الیکشن کے عملے کی تعیناتی ہو چکی ہے۔

آزاد کشمیر انتخابات کے لیے لاہور میں تعینات پولنگ کے عملے کا معاوضہ بڑھا دیا گیا ہے۔

ریٹرننگ افسر نے مزید بتایا کہ پریزائڈنگ افسران کو سامان دیا ہے، ان سے ریسیونگ بھی لی ہے۔

شاہین غزل کا یہ بھی کہنا ہے کہ سیکیورٹی اسٹاف اور پولنگ کے عملے کو ان کی ذمے داریوں کے حوالے سے بریفنگ بھی دی گئی ہے۔

بشکریہ جنگ