رانا ثناء کی درخواست ضمانت پر کارروائی غیر معینہ مدت کیلئے ملتوی

لاہور ہائی کورٹ نے مسلم لیگ نون کے رہنما رانا ثنا اللّٰہ کی آمدن سے زائد اثاثوں کے کیس میں ضمانت کی درخواست پر کارروائی غیر معینہ مدت کے لیے ملتوی کر دی۔

لاہور ہائیکورٹ کے بینچ کی عدم دستیابی پر نون لیگی رہنما رانا ثناء اللّٰہ کی درخواست پر آج سماعت نہ ہو سکی۔

بینچ کے رکن جسٹس محمد سرفراز ڈوگر رخصت پر ہیں۔

واضح رہے کہ رانا ثناءاللّٰہ نے آمدن سے زائد اثاثوں کے کیس میں لاہور ہائیکورٹ سے عبوری ضمانت لے رکھی ہےجبکہ نیب نے رانا ثناءاللّٰہ کے وارنٹ گرفتاری جاری کر رکھے ہیں۔

بشکریہ جنگ