راجہ پرویز اشرف کی انوار الحق کاکڑ کو مبارک باد

اسپیکر قومی اسمبلی راجہ پرویز اشرف نے فون کرکے انوار الحق کاکڑ کو مبارک باد دی ہے۔

اس موقع پر راجہ پرویز اشرف نے کہا کہ بطور نگران وزیراعظم ایک سیاستدان کی تقرری جمہوریت کے لیے نیک فال ہے۔

دوسری جانب مولانا فضل الرحمان نے انوار الحق کو مبارکباد دیتے ہوئے امید ظاہر کی ہے کہ وہ صاف شفاف اور بروقت انتخابات کے انعقاد کو یقینی بنائیں گے۔

امیر جماعت اسلامی سراج الحق نے بھی خیر مقدم کرتے ہوئے کہا کہ شکر ہے کوئی آئی ایم ایف اور ورلڈ بینک کا نمائندہ نہیں آیا۔

بشکریہ جنگ