دو دن سستا ہونے کے بعد آج سونا مہنگا ہوگیا

رواں ہفتے مسلسل دو دن سستا ہونے کے بعد آج سونا مہنگا ہوگیا۔ 

آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت میں 1600 روپے کا اضافہ ہوا ہے۔

اس اضافے کے بعد ملک میں فی تولہ سونے کی قیمت 2 لاکھ 34 ہزار 400 روپے ہوگئی۔

اسی طرح 10 گرام سونے کی قیمت 1372 روپے اضافے کے بعد 2 لاکھ 960 روپے ہے۔

ایسوسی ایشن کے مطابق عالمی صرافہ بازار میں سونے کا دام 4 ڈالر اضافے کے بعد 1960 ڈالر فی اونس ہے۔

بشکریہ جنگ