بدھ14؍شوال المکرم 1442ھ26؍مئی 2021ء

دوسرا ٹی ٹوئنٹی: انگلینڈ کا ٹاس جیت کر بیٹنگ کا فیصلہ

دوسرے ٹی ٹوئنٹی میچ میں انگلینڈ نے پاکستان کے خلاف ٹاس جیت کر بیٹنگ کرنے کا فیصلہ کرلیا۔ 

ٹاس کے موقع پر گفتگو کرتے ہوئے انگلش کپتان معین علی کا کہنا تھا کہ وکٹ تازہ نہیں لگ رہی، اس پر کریکس موجود ہیں جبکہ ہمارے پاس ٹیم میں تین اسپنرز ہیں۔

انہوں نے بتایا کہ ڈاؤسن کی گلیسن کی جگہ پر ٹیم میں واپسی ہوئی ہے۔

پاکستانی کپتان بابر اعظم کا کہنا تھا کہ اس وکٹ پر 150 سے 160 رنز کا ہدف قابلِ عبور ہوگا۔

ساتھ میں انہوں نے بتایا کہ قومی ٹیم میں ایک تبدیلی کی گئی ہے جہاں نسیم شاہ کی جگہ پر محمد حسنین کو ٹیم میں شامل کیا گیا ہے۔ 

سیریز کے پہلے ٹی ٹوئنٹی میچ میں انگلینڈ نے پاکستان کو 6 وکٹوں سے شکست دی تھی۔

بابر اعظم کی قیادت میں اترنے والی پاکستان ٹیم میں محمد رضوان، حیدر علی، شان مسعود، افتخار احمد، خوشدل شاہ، محمد نواز، شاہنواز دہانی، محمد حسنین، حارث رؤف اور عثمان شامل ہیں۔ 

انگلینڈ کی ٹیم کپتان معین علی، فل سالٹ، ایلکس ہیلز، ڈاؤڈ ملان، بین ڈکِٹ، ہیری بروک، سیم کرن، ڈیوڈ وِلی، لیام ڈاؤسن، عادل رشید، لیوک ووڈ پر مشتمل ہے۔

بشکریہ جنگ
You might also like

Comments are closed.