بدھ14؍شوال المکرم 1442ھ26؍مئی 2021ء

اسلام آباد میں پولیس بھیجنے کا معاملہ: آئی جی کے پی کا چیف سیکریٹری کو خط

وفاقی دارالحکومت اسلام آباد میں پولیس بھیجنے کے معاملے پر خیبر پختونخوا کے انسپکٹر جنرل( آئی جی)  معظم جاہ انصاری نے چیف سیکریٹری کو خط ارسال کر دیا۔

آئی جی خیبر پختونخوا کا کہنا ہے کہ اسلام آباد میں پولیس بھیجنے کا فیصلہ  صوبائی حکومت کرے گی۔

اسلام آباد میں سیکیورٹی بھیجنے کے معاملے پر وفاق اور خیبر پختون خوا میں ٹھن گئی، خیبر پختون خوا نے اسلام آباد میں سیکیورٹی بھیجنے کی مخالفت کردی۔

اس سے قبل آئی جی اسلام آباد نے آئی جی کے پی اور کمانڈنٹ فرنٹیئر کانسٹیبلری کو خط لکھا تھا، جس میں آئی جی خیبر پختونخوا سے 4 ہزار پولیس اہلکار مانگے گئے تھے۔

خط کے  متن کے مطابق خیبر پختونخوا سے فرنٹیئر کانسٹیبلری کے 5 ہزار جوانوں کی خدمات مانگی گئیں۔

آئی جی اسلام آباد نے اپنے خط میں کہا کہ اہلکاروں کو اسلحے کے بغیر بھیجا جائے، اہلکاروں کے پاس مظاہرین سے نمٹنے کیلئے آنسو گیس کے شیل، ٹیئر گن ہونی چاہیے۔

خط میں کہا گیا کہ اہلکاروں کے پاس اضافی وردیاں بھی ہونی چاہئیں۔

بشکریہ جنگ
You might also like

Comments are closed.