دنیا باتوں سے نہیں کردار سے مطمئن ہوتی ہے: صدر عارف علوی

صدرِ مملکت عارف علوی کا کہنا ہے کہ دنیا باتوں سے نہیں کردار سے مطمئن ہوتی ہے۔

دو روزہ بین الاقوامی سیرت کانفرنس کے افتتاحی سیشن سے خطاب کرتے ہوئے عارف علوی نے کہا کہ اسلام میں در گزر کرنے کو بہت اہمیت دی گئی ہے۔

انہوں نے کہا کہ جس معاشرے میں قانون کی عمل داری ہوتی ہے وہی ترقی کرتا ہے۔

صدرِ مملکت نے کہا کہ کورونا کی وباء کے دوران پاکیزگی اور صفائی کی اہمیت سامنے آئی۔

ان کا کہنا ہے کہ اخلاقیات ہی معاشرے میں ربط پیدا کرتی ہیں، غرور اور تکبر اللّٰہ تعالیٰ کو پسند نہیں۔

صدر عارف علوی کا مزید کہنا ہے کہ دنیا آج اقدار کی سیاست مانگتی ہے جس میں انصاف بھی ہو۔

صدرِ پاکستان کا یہ بھی کہنا ہے کہ خود کو بدلنا شروع کریں تو پاکستان پہلے اور دنیا بعد میں بدلے گی۔

بشکریہ جنگ