خیرپور: متاثرینِ سیلاب کیلئے UAE کا میڈیکل کیمپ

متحدہ عرب امارات کے قونصل جنرل نے کہا ہے کہ سیلاب متاثرین کو بیماریوں سے بچانے کے لیے خیرپور میں میڈیکل کیمپ قائم کر دیا گیا ہے۔

قونصل جنرل بخیت عتیق الرومیتی نے کہا ہے کہ میڈیکل کیمپ میں مریضوں کا علاج اور ادویات فراہم کی جا رہی ہیں، یو اے ای نے ایک بار پھر برادر ملک ہونے کا فرض ادا کر دیا ہے۔

انہوں نے میڈیکل کیمپ کے حوالے سے بتایا کہ متاثرین کو علاج و معالجے سمیت تمام تر سہولتیں فراہم کی جا رہی ہیں، میڈیکل کیمپ میں ماہر ڈاکٹرز کی ٹیم شب و روز خدمات انجام دے رہی ہے۔

وزیر خزانہ اسحاق ڈار سے عالمی بینک کے کنٹری ڈائریکٹر نے ٹیم کے ہمراہ ملاقات کی ہے۔

بخیت عتیق الرومیتی کا مزید کہنا ہے کہ مشکل کی اس گھڑی میں متحدہ عرب امارات سیلاب متاثرین بہن بھائیوں کے ساتھ ہے، جو رشتہ شیخ زید مرحوم نے قائم کیا آج تک وہ قائم و دائم ہے۔

بشکریہ جنگ