خیبرپختونخوا، 3 تحصیلوں میں بلدیاتی انتخابات کی ری پولنگ

خیبرپختونخوا کی تین تحصیلوں میں بلدیاتی انتخاب کی ری پولنگ کے بعد مسلم لیگ (ن) نے 2 اور جے یو آئی نے ایک نشست جیت لی۔

مانسہرہ کی تحصیل بالاکوٹ میں مسلم لیگ (ن) نے میدان مار لیا، مسلم لیگ (ن) کے ابراہیم شاہ نے 52 ہزار 372 ووٹ حاصل کیے۔

پاکستان تحریک انصاف کے مشتاق خان نے 31 ہزار 438 ووٹ لیے اور یوں انہیں 21 ہزار ووٹوں سے شکست ملی۔

عمران خان نے کہا کہ ملک ہر اعتبار سے آگے بڑھ رہا تھا، 2018 ہمیں ملک دیوالیہ ملا، ان کا تجربہ صرف کرپشن، کیسز ختم کرنےاور انتقام کا ہے، ان کے پاس نہ منصوبہ ہے نہ فیصلہ کرنے کی ہمت۔

تحصیل بفہ میں مسلم لیگ کے سردار شاہ خان 42 ہزار 330 ووٹ لے کر تحصیل چیئرمین منتخب ہوئے۔ پی ٹی آئی کے عبدالشکور نے 32 ہزار 68 ووٹ حاصل کیے اور 10ہزار ووٹوں سے شکست کھائی۔

جنوبی وزیرستان میں بھی پی ٹی آئی کا امیدوار ہار گیا، جے یو آئی (ف) کے مولانا صالح سات ہزار 682 ووٹ لے کر تحصیل وانا کے چیئرمین منتخب ہوئے، پی ٹی آئی کا امیدوار دوسرے نمبر پر رہا۔

بشکریہ جنگ