بدھ14؍شوال المکرم 1442ھ26؍مئی 2021ء

خور شید شاہ کے بھائی کو چیئرمین سکھر بورڈ کے عہدے سے ہٹا دیا گیا

پیپلز پارٹی کے رہنما خورشید شاہ کے 70 سالہ بھائی سید مجتبی شاہ کو چیئرمین سکھر تعلیمی بورڈ کے عہدے سے ھٹادیا گیا۔

سید مجتبی شاہ گزشتہ 12 برس سے چیئرمین سکھر تعلیمی بورڈ کے عہدے پر تعینات تھے۔ 

محمکہ بورڈز و جامعات کے سیکریٹری مرید راحموں نے جمعرات کو بذریعہ نوٹیفکیشن انہیں  بطور چیئرمین ڈی نوٹیفائی کردیا۔ 

سکھر بورڈ کے 19 گریڈ کے افسر رفیق احمد پلھ کو چیئرمین بورڈ کی اضافی ذمہ داریاں تفویض کردی گئی ہیں۔ 

یاد رہے کہ گزشتہ برس سندھ کے سکھر بورڈ سمیت سندھ کے 5 تعلیمی بورڈز میں تلاش کمیٹی نے چیئرمین کے امیدواروں کا انتخاب کرلیا تھا جن کی تین انٹلیجنس اداروں سے کلیئرنس بھی حاصل کرلی گئی تھی۔

تاہم سیاسی دباؤ کے باعث ان امیدواروں کو تقرر نامے جاری نہیں کئے گئے اور پھر بعد اس معاملے میں پٹیشن دائر کرکے اسٹے لے لیا گیا جسے محکمہ بورڈز و جامعات کئی ماہ گزرنے کے باوجود ختم نہیں کراسکا ہے۔

بشکریہ جنگ
You might also like

Comments are closed.