خاتون کا ٹرین میں آدھے گھنٹے کا سفر زندگی کا آخری سفر بن گیا

نواب شاہ کے قریب حادثے کا شکار ہونے والی ہزارہ ایکسپریس میں حیدر آباد کی رہائشی شریفاں بی بی صرف آدھے گھنٹے کیلئے سوار ہوئی، جو اس کی زندگی کا آخری سفر ثابت ہوا۔

رشتہ دار خاتون کی عیادت کرنے کیلئے ٹنڈو آدم سے نواب شاہ جانے والی خاتون ٹرین حادثے کا شکار ہو کر چل بسی۔

نور الدین کے قریبی رشتہ دار کا کہنا ہے کہ متوفی کے جیب میں 70 ہزار روپے بھی تھے جو گھر والوں کو نہیں ملے۔

ان کے خاندان کی دیگر دو خواتین بھی حادثے  میں جاں بحق ہوئیں، متوفین کی میتیں ان گھر پہنچنے پر رقت آمیز مناظر دیکھنے میں آئے۔

گزشتہ روز کراچی سے حویلیاں جانے والی ہزارہ ایکسپریس کی 10بوگیاں سرہاری ریلوے اسٹیشن کے قریب پٹری سے اتر گئی تھیں جس کے نتیجے میں 34 افراد جاں بحق جبکہ خواتین اور بچوں سمیت 100مسافر زخمی ہوگئے۔

ڈی ایس ریلوے محمود الرحمان کا کہنا تھا کہ نواب شاہ کے قریب ہزارہ ایکسپریس کی 19 میں سے 10 بوگیاں پٹری سے اتریں۔

بشکریہ جنگ