حکومت نے عوام پر ایک بار پھر پٹرول بم گرادیا، امتیاز شیخ

وزیر توانائی سندھ امتیاز شیخ نے کہا ہے کہ حکومت نے عوام پر ایک بار پھر پٹرول بم گرادیا ہے۔

کراچی سے جاری بیان میں امتیاز شیخ نے کہا کہ وفاقی حکومت نے پٹرول پر 5 روپے بڑھاکر ثابت کردیا کہ حکومت عوام دشمن ہے۔

انہوں نے کہا کہ پٹرولیم مصنوعات کی قیمتیں ملکی تاریخ کی بلندترین سطح پر پہنچ چکیں۔

ذرائع کے مطابق مٹی کے تیل کی قیمت میں 5 روپے42 پیسے فی لیٹر اضافہ کیا گیا، جبکہ لائٹ ڈیزل آئل کی قیمت میں 5روپے 92 پیسے فی لیٹر اضافہ کیا گیا ہے۔

صوبائی وزیر توانائی نے مزید کہا کہ مہنگائی اور بےروزگاری نے عوام کو پہلے ہی بدحال کیا ہوا ہے۔

اُن کا کہنا تھا کہ پٹرول مصنوعات کی قیمتیں بڑھا کر مہنگائی مزید بڑھا دی جاتی ہے۔

بشکریہ جنگ