حماد اظہر نے وزارتِ خزانہ کا قلمدان سنبھال لیا

حماد اظہر نے وزارتِ خزانہ کا قلمدان سنبھال لیا، وزارتِ خزانہ آمد پر حماد اظہر کا پرتپاک استقبال کیا گیا۔

اس سے قبل وفاقی وزیر حماد اظہر کی بطور وزیرِ خزانہ تقرری کا نوٹیفکیشن جاری کیا گیا تھا۔

وفاقی وزیر حماد اظہر کی وزیر خزانہ تقرری کا نوٹیفکیشن جاری کردیا گیا ہے۔

حماد اظہر کی بطور وزیرِ خزانہ تقرری کا نوٹیفکیشن کابینہ ڈویژن نے جاری کیا تھا، انہیں اس وزارت کا اضافی قلمدان دیا گیا ہے۔

حماد اظہر وفاقی وزیر برائے صنعت و پیداوار کے عہدے پر بھی بدستور موجود ہیں۔

گزشتہ روز پاکستان تحریکِ انصاف کے سینئر رہنما سینیٹر شبلی فراز نے اپنے ایک بیان میں اس تبدیلی سے متعلق آگاہ کرتے ہوئے بتایا تھا کہ حماد اظہر وزیرِ اعظم عمران خان کے وژن کو آگے لے کر چلیں گے۔

واضح رہے کہ ملک میں بڑھتی مہنگائی کے سبب وفاقی وزیر خزانہ عبدالحفیظ شیخ کو وزیرِ خزانہ کے عہدے سے ہٹا کر حماد اظہر کو اس وزارت کا اضافی قلمدان دیا گیا ہے۔

بشکریہ جنگ