جیل انتظامیہ نے چیئرمین پی ٹی آئی سے ملاقات کرانے سے انکار کر دیا، وکیل نعیم پنجوتھا

چیئرمین پی ٹی آئی کے وکیل نعیم پنجوتھا نے کہا ہے کہ جیل انتظامیہ نے سابق وزیرِ اعظم سے ملاقات کرانے سے انکار کر دیا۔

اس معاملے سے متعلق نعیم پنجوتھا نے کہا ہے کہ جیل انتظامیہ نے کہا پاور آف اٹارنی کے لیے پیر کو رابطہ کریں۔

انہوں نے کہا کہ چیئرمین پی ٹی آئی سے ملاقات کر کے اٹارنی اور دیگر دستاویزات پر دستخط کرانی ہیں۔

وکیل نعیم پنجوتھا نے مزید کہا کہ اگر پیر کو بھی ملاقات نہ کرنے دی گئی تو ایک دن مزید ضائع ہو جائے گا۔

واضح رہے کہ گزشتہ روز توشہ خانہ کیس میں سزا سنائے جانے کے بعد چیئرمین پی ٹی آئی کو اٹک جیل منتقل کر دیا گیا تھا۔

بشکریہ جنگ