جہلم: غیرت کے نام پر دوست کے ساتھ مل کر بھائی نے بہن کو قتل کردیا

جہلم میں غیرت کے نام پر بھائی نے دوست کے ساتھ مل کر بہن کو فائرنگ کر کے قتل کردیا اور فرار ہوگیا۔

پولیس کے مطابق نواحی گاؤں کوٹھا پرانا میں بھائی نے ساتھی کے ساتھ مل کر غیرت کے نام پر شادی شدہ بہن پر فائرنگ کردی۔

فائرنگ سے لڑکی موقع پر جاں بحق ہوگئی، مقتولہ کے دو بچے ہیں، پوسٹ مارٹم کے لیے لاش اسپتال منتقل کردی گئی۔

پولیس کا کہنا ہے کہ مقدمہ درج کر کے ملزمان کی تلاش شروع کردی گئی۔

بشکریہ جنگ