جو فواد چوہدری کر رہے ہیں میں اُس میں ایکٹو نہیں ہوں، اسد عمر

سابق وفاقی وزیر اسد عمر نے کہا ہے کہ جو فواد چوہدری کر رہے ہیں اُس میں، میں ایکٹو نہیں ہوں۔

انسداد دہشت گردی عدالت لاہور میں گفتگو کرتے ہوئے اسد عمر نے کہا کہ فواد چوہدری ایکٹو ہیں تو وہی بتائیں گے کہ کیا کر رہے ہیں۔

گلبرگ میں عسکری ٹاور پر حملے اور جلاؤ گھیراؤ کے کیس میں اسد عمر کی عبوری ضمانت 13جون تک منظور کر گئی ہے۔

سابق وفاقی وزیر فواد چوہدری نے کہا ہے کہ شاہ محمود قریشی سے تفصیلی اور اچھی ملاقات ہوئی،9 مئی کو جو ہوا،اُس کی سخت مذمت کی ہے۔

انسداد دہشت گردی نے اسد عمر کو شامل تفتیش ہونے کا بھی حکم دے دیا۔

واضح رہے کہ گزشتہ روز چیئرمین پاکستان تحریک انصاف (پی ٹی آئی) عمران خان کو چھوڑنے والے رہنما فواد چوہدری، عمران اسماعیل اور محمود مولوی سیاست میں متحرک ہو گئے اور کھل کر اپوزیشن کرنے کا اعلان کیا تھا۔

تینوں سیاستدانوں نے اڈیالا جیل میں وائس چیئرمین تحریک انصاف شاہ محمود قریشی سے ملاقات کی جس کے بعد جیل کے باہر میڈیا سے بات چیت بھی کی تھی۔ 

بشکریہ جنگ