جنوبی وزیرستان: سیکیورٹی فورسز پر حملہ، 4 جوان شہید، 4 دہشتگرد ہلاک
جنوبی وزیرستان کے علاقے مکین میں سیکیورٹی فورسز پر دہشت گردوں کے حملے کے دوران ہونے والی فائرنگ کے نتیجے میں پاک فوج کے 4 جوان شہید ہوگئے۔
پاک فوج کے شعبۂ تعلقاتِ عامہ (آئی ایس پی آر) کے مطابق سیکیورٹی فورسز کی جوابی کارروائی کے نتیجے میں 4 دہشت گرد ہلاک ہوئے ہیں۔
آئی ایس پی آر کا کہنا ہے کہ دہشت گردوں کی فائرنگ سے شہید ہونے والے جوانوں میں لانس نائیک عمران علی، سپاہی عاطف جہانگیر، سپاہی عزیز اور سپاہی انیس الرحمٰن شامل ہیں۔
پاک فوج کے شعبۂ تعلقاتِ عامہ کا یہ بھی کہنا ہے کہ علاقے میں کلیئرنس آپریشن جاری ہے۔
دوسری جانب پنجاب کے وزیرِاعلیٰ سردار عثمان بزدار نے جنوبی وزیرستان میں چیک پوسٹ پر دہشت گردوں کے حملے کی شدید مذمت کی ہے۔
سردار عثمان بزدار نے حملے میں شہید ہونے والے سیکیورٹی فورسز کے 4 جوانوں کو اس قربانی پر خراجِ عقیدت بھی پیش کیا ہے۔
Comments are closed.