جنوبی افریقی کپتان پی آئی اے کے سی ای او کے شکرگزار
جنوبی افریقی ٹیسٹ کپتان کوئن ٹن ڈی کوک نے پاکستان انٹرنیشنل ایئر لائن (پی آئی اے) کے سی ای او ایئر مارشل ریٹائرڈ ارشد ملک کا شکریہ ادا کرتے ہوئے ایک شرٹ بطور تحفہ دی ہے۔
جنوبی افریقی کپتان نے دورہ پاکستان کے دوران قومی ایئر لائن کی مہمان نوازی اور خدمات کے اعتراف میں ایک دستخط کردہ شرٹ تحفہ دی ہے۔
پی آئی اے کے تصدیق شدہ ٹوئٹر اکاؤنٹ پر پروٹیز کپتان کی جانب سے دی گئی شرٹ کی تصویر شیئر کی گئی۔
پی آئی اے نے ٹوئٹ میں لکھا کہ ’جنوبی افریقہ کے کپتان کوئٹن ڈی کوک نے پی آئی اے کی مہمان نوازی اور خدمات کے لئے شکریہ ادا کرنے کے لئے ہمارے سی ای او ایئر مارشل ریٹائرڈ ارشد ملک کو دستخط کے ساتھ ٹی شرٹ بھیجی ہے۔‘
ٹوئٹ میں کہا گیا ’یہ ٹی شرٹ ایئر لائن کی یادداشت کا حصہ بن جائے گی، ہم جنوبی افریقی ٹیم کے دورہ پاکستان کے لیے پی آئی اے کا انتخاب کرنے پر شکرگزار ہیں۔‘
یاد رہے کہ کوئن ٹن ڈی کوک نے 2 میچوں کی ٹیسٹ سیریز کے دوران مہمان ٹیم کی کپتانی کی تھی۔
پاکستان کرکٹ بورڈ (پی سی بی) نے ٹیسٹ اور ٹی ٹونٹی سیریز کے لیے پاکستان آنے والی جنوبی افریقی ٹیم کیلئے چارٹرڈ پروازوں کا بندوبست کیا تاکہ کھلاڑیوں اور عہدیداروں کو عالمی وبا سے تحفظ فراہم کیا جاسکے۔
Comments are closed.