جماعت اسلامی کا عوامی سرگرمیاں ملتوی کرنے کا اعلان

جماعت اسلامی پاکستان نے ملک میں کورونا وائرس کی صورتحال کے پیش نظر عوامی سرگرمیاں ملتوی کرنے کا اعلان کردیا۔

جماعت اسلامی کے ترجمان قیصر شریف نے کہا کہ تمام بڑے پروگرام کورونا وائرس کے باعث ملتوی کردیے گئے ہیں۔

انہوں نے مزید کہا کہ وبائی مرض کے پھیلاؤ کی شدت کے پیش نظر منصورہ لاہور میں مرکزی تربیت گاہ کا سلسلہ بھی معطل رہے گا۔

ترجمان جماعت اسلامی نے یہ بھی کہا کہ تنظیمی سرگرمیاں بھی ایس او پیز کو سامنے رکھ کر انجام دی جائیں گی۔

چند روز قبل جماعت اسلامی نے راولپنڈی میں جلسہ عام کیا تھا، جس کے منتظمین کے خلاف پنجاب حکومت نے مقدمہ درج کیا تھا۔

پنجاب حکومت کا کہنا تھا جماعت اسلامی نے لیاقت باغ میں جلسہ حکومتی اجازت کے بغیر کیا تھا۔

بشکریہ جنگ