جماعتِ اسلامی کی میئرکراچی کے الیکشن پر حکمِ امتناع کی درخواست مسترد

سندھ ہائی کورٹ نے میئر کراچی کے الیکشن سے متعلق جماعتِ اسلامی کی حکمِ امتناع کی درخواست مسترد کر دی۔

عدالتِ عالیہ میں میئر کراچی کے براہِ راست انتخاب پر قانون سازی کے خلاف امیرِ جماعتِ اسلامی کراچی و میئر کے امیدوار حافظ نعیم الرحمٰن کی درخواست کی سماعت ہوئی۔

سندھ ہائی کورٹ نے قرار دیا کہ سماعت سے میئر الیکشن کا شیڈول متاثر نہیں ہو گا۔

امیرِ جماعتِ اسلامی کراچی حافظ نعیم الرحمٰن کا کہنا ہے کہ ایسا انتخاب جس میں لوگوں کو آنے ہی نہ دیا جائے وہ کالعدم ہونا چاہیے۔

عدالتِ عالیہ نے جماعتِ اسلامی کی درخواست کی سماعت 22 جون تک ملتوی کر دی۔

واضح رہے کہ کل (15 جون کو) کراچی کے میئر اور ڈپٹی میئر کا انتخاب ہو گا۔

بشکریہ جنگ