جسٹس قاضی فائز عیسیٰ سے اسلام آباد ہائیکورٹ کے 6 ججز کی ملاقات
سپریم کورٹ کے سینئر ترین جج جسٹس قاضی فائز عیسیٰ سے اسلام آباد ہائی کورٹ کے 6 ججز نے ملاقات کی ہے۔
ذرائع کے مطابق چیف جسٹس اسلام آباد ہائی کورٹ جسٹس عامر فاروق لاہور میں ہونے کی وجہ سے ملاقات میں شریک نہیں ہوئے۔
جسٹس قاضی فائز عیسیٰ سے اسلام آباد ہائی کورٹ کے 6 ججز کی یہ ملاقات ایک گھنٹے سے زائد وقت جاری رہی۔
ملاقات میں اسلام آباد ہائی کورٹ کی نئی عمارت میں منتقلی سے متعلق امور پر گفتگو بھی ہوئی۔
ذرائع کا کہنا ہے کہ ججز کے درمیان ملاقات خوش گوار ماحول میں ہوئی۔
جسٹس قاضی فائز عیسیٰ نے اسلام آباد ہائی کورٹ کے ججز کی چائے اور کافی سے تواضع کی۔
اسلام آباد ہائی کورٹ کے ججز اس سے قبل چیف جسٹس پاکستان سے بھی ملاقات کر چکے ہیں۔
بشکریہ جنگ
Comments are closed.