جدہ مذاکرات کو یوکرین نے روس کیلئے دھچکا قرار دیدیا

سعودی عرب کی میزبانی میں یوکرین بحران پر جدہ میں ہونے والے مذاکرات کو یوکرین نے روس کے لیے دھچکا قرار دے دیا جبکہ روس نے جدہ مذاکرات کو مسترد کر دیا ہے۔

پریس بریفنگ میں یوکرینی حکام کا کہنا تھا کہ جدہ مذاکرات میں صرف یوکرین کے مجوزہ امن منصوبے پر ہی بات چیت ہوئی۔

یوکرین کا کہنا ہے کہ مذاکرات میں شریک تمام ممالک نے یوکرین کی آزادی و علاقائی سالمیت کی حمایت کی اور مذاکرات میں شریک ممالک نے آئندہ 6 ہفتوں میں ایک اور ملاقات پر اتفاق کیا ہے۔

واضح رہے کہ ہفتہ، اتوار کو ہونے والے دو روزہ جدہ مذاکرات میں امریکا، چین، بھارت سمیت 40 سے زائد ممالک نے شرکت کی تھی، جبکہ مذاکرات میں روس شریک نہیں تھا۔

بشکریہ جنگ