جبری مسلمان بنانے کا پروپیگنڈا سراسر جھوٹ ہے، حافظ طاہر محمود اشرفی

وزیر اعظم کے نمائندہ خصوصی حافظ طاہر محمود اشرفی نے کہا ہے کہ دنیا میں جبری مسلمان بنانے کا پروپیگنڈا کیا جارہا ہے، جو سراسر جھوٹ ہے، بتایا جائے پاکستان میں کہاں کسی کو زبردستی مسلمان بنایا جارہا ہے۔

لاہور میں میڈیا سے گفتگو کرتے ہوئے حافظ طاہر محمود اشرفی نے کہا پاکستان کے دشمن قوم اور فوج میں بغض پیدا کرنا چاہتے ہیں، وزیراعظم عمران خان نے پاکستان کو مضبوط کر دکھایا ہے۔

ان کا کہنا تھا کہ حضور اکرم ﷺکی اسوہ حسنہ پر عمل پیرا ہونا ہی زندگی کا اصل مقصد ہے، سیرت مصطفیٰ سے رہنمائی لینے میں ہی نجات ہے۔

بشکریہ جنگ