جاپان: خودکشی کرنے والوں کی تعداد میں کمی آگئی

جاپان میں 2021ء میں خودکشی کرنے والوں کی تعداد 21,007 تھی، جو 2020ء کے مقابلے میں 74 کم تھی۔ یہ اعداد و شمار وزارت صحت کی جانب سے مرتب کیے گئے ایک سرکاری وائٹ پیپر میں بتائے گئے ہیں۔

جمعہ کو جاری ہونے والے وائٹ پیپر کے مطابق 13,939 مردوں نے اپنی جانیں لیں، جو پچھلے سال کے مقابلے میں 116 کم ہیں، جبکہ 7،068 خواتین نے خودکشی کی، جو 2020 کے مقابلے میں 42 زیادہ ہے۔

وزارت صحت کے ایک اہلکار نے تجویز پیش کی کہ خواتین میں خودکشی کی اعلیٰ شرح کی وجہ یہ ہوسکتی ہے کہ وہ وبائی امراض کی وجہ سے ساتھیوں کی طرف سے گھریلو زیادتی کا شکار ہو رہی ہیں اور یہ بھی حقیقت ہے کہ مہمان نوازی اور خوردہ شعبوں میں بہت سی خواتین نے اپنی جانیں گنوائیں۔ 

وائٹ پیپر میں اس بات کی بھی نشاندہی کی گئی ہے کہ اکیلے رہنے والے مردوں اور عورتوں کی تعداد میں اضافہ ہوا ہے، جو ایک اہم عنصر ہو سکتا ہے۔

کیوڈو نیوز نے رپورٹ کیا کہ وائٹ پیپر 2020ء اور 2021ء کے درمیان محققین کی ایک ٹیم کی جانب سے اگست میں جاری کی گئی ایک تحقیق کے نتائج کی پیروی کرتا ہے، جس میں خواتین کی جانب سے خودکشی کے واقعات میں اضافہ بھی دکھایا گیا تھا۔

محققین میں سے ایک ٹوکیو یونیورسٹی کے ایسوسی ایٹ پروفیسر تائیسوکے ناکاتا نے کہا کہ خواتین، جو مردوں کے مقابلے میں زیادہ غیر منظم ملازمتیں کرتی ہیں، معاشی طور پر زیادہ متاثر ہوتی ہیں، جبکہ نوجوانوں کے ممکنہ طور پر تنہائی پر مجبور ہونے کا امکان زیادہ ہوتا ہے۔

بشکریہ جنگ