جامعہ کراچی میں 25 اور 29 ستمبر کے امتحانات ملتوی

جامعہ کراچی میں 25 اور 29 ستمبر کو ہونے والے امتحانات ملتوی کردیے گئے۔

جامعہ کراچی کے ناظم امتحانات ڈاکٹر سید شاہد ظہیر کے مطابق ایسوسی ایٹ ڈگری ان سائنس اور ایسوسی ایٹ ڈگری ان آرٹس کے پرچے ملتوی کیے گئے ہیں۔

ناظم امتحانات کے مطابق امتحانات کالج اساتذہ کی درخواست پر 8 ربیع الاوّل اور 12ربیع الاوّل کے جلوس کے باعث ملتوی کئے گئے ہیں۔

ڈاکٹر سید شاہد ظہیر کا کہنا ہے کہ نئی تاریخوں کا اعلان بعد میں کیا جائے گا۔

بشکریہ جنگ