تھکاوٹ، سر درد اور پٹھوں میں درد کو بھی کورونا علامات تصور کیا جائے، تحقیق

سائنسدانوں نے کورونا وائرس کی وبا کے لاحق ہونے کے حوالے سے سامنے آنیوالی علامات میں توسیع کی سفارش کی ہے۔

لنکس کالج لندن اور زو سمٹم اسٹڈی ایپ کی مشترکہ تجاویز میں کہا گیا ہے کہ فی الحال کھانسی، بخار اور خوشبو و ذائقہ محسوس نہ ہونا کورونا کی واضح علامات ہیں۔

میڈیا رپورٹ کے مطابق تھکاوٹ، سر درد، گلے میں خراش، اسہال اور پٹھوں میں درد کو بھی کورونا وائرس کی علامات تصور کیا جائے۔

 مذکورہ بالا سائنسی تحقیق میں مزید کہا گیا ہے کہ اضافی علامات شامل کرنے سے 40 فیصد مزید کیسز سامنے آسکتے ہیں۔

محکمہ صحت کا اس سلسلے میں کہنا ہے کہ ماہر سائنسدانوں کا گروپ کورونا کی علامات کا مسلسل جائزہ لیتا رہتا ہے۔

بشکریہ جنگ