تھر میں بارشوں کے بعد مشروم کی مارکیٹ میں آمد، غذایت سے بھرپور سبزی کی جابجا فروخت

صحرائے تھر میں مون سون کی بارشوں کے بعد نایاب سبزی مشروم مارکیٹ میں آگئی ہے، یہ سبزی مقامی افراد کے ساتھ ساتھ سیاح بھی بڑے شوق سے کھاتے ہیں۔

صحرائے تھر میں بارشوں کے بعد پیدا ہونے والی سبزی مشروم کو مقامی زبان میں کھمبی کہا جاتا ہے۔ وٹامن ڈی سے بھرپور مشروم مٹھی کی مارکیٹ اور دکانوں اور ٹھیلوں پر جابجا نظر آرہی ہے۔

ابتداء میں اس کی قیمت 500 روپے فی کلو تک ہوتی ہے جس کے بعد آہستہ آہستہ اس کی قیمت نیچے آتی ہے۔

کھمبی سے ہوٹلوں پر بھی خصوصی ڈش تیار کی جاتی ہے، مقامی افراد کھمبی کو طرح طرح کے سالن میں استعمال کرتے ہیں اور موسم کی خاص سوغات سے بھرپور فائدہ اٹھاتے ہیں۔

بشکریہ جنگ