تاحیات نااہلی سے متعلق نوٹس پر سپریم کورٹ کا بینچ تشکیل

آرٹیکل 62 ون ایف کے تحت تاحیات نااہلی سے متعلق سپریم کورٹ کا فیصلہ چلے گا یا الیکشن ایکٹ؟

سپریم کورٹ آف پاکستان نے میر بادشاہ قیصرانی کیس میں تاحیات نا اہلی سے متعلق نوٹس پر بینچ تشکیل دے دیا۔

چیف جسٹس پاکستان قاضی فائز عیسیٰ کی سربراہی میں 7 رکنی لارجر بینچ 2 جنوری کو سماعت کرے گا۔

سپریم کورٹ نے ماضی میں نااہل قرار دیے گئے سیاسی رہنما کے خلاف مقدمے کی سماعت کے دوران تا حیات نا اہلی کا معاملہ پانچ رکنی بینچ کی تشکیل کے لیے ججز کمیٹی کو بھیج دیا۔

جسٹس منصور علی شاہ، جسٹس یحییٰ آفریدی، جسٹس امین الدین خان، جسٹس جمال مندوخیل، جسٹس محمد علی مظہر اور جسٹس مسرت ہلالی لارجر بینچ میں شامل ہیں۔

سپریم کورٹ کا 7 رکنی لارجر بینچ کل (2 جنوری کو) دن ساڑھے 11 بجے سماعت کرے گا۔

بشکریہ جنگ