بیٹل آف برٹین انگلینڈ جیت گیا

فٹ بال ورلڈ کپ میں امریکا کی ایران کے خلاف کامیابی پر امریکا کی مختلف ریاستوں میں کھیل کے شائقین نے جشن منایا جبکہ ویلز کے خلاف انگلینڈ کی فتح پر لندن اور دیگر شہروں میں ٹیم کے مداحوں نے خوب ہلہ گلہ کیا۔

انگلینڈ اور ویلز کے درمیان ہونے والے میچ کو بیٹل آف برٹین کا نام دیا گیا تھا، اس مقابلے کو دیکھنے کے لیے انگلینڈ اور ویلز میں شہر ی سرشام ہی دفاتر اور اپنے اپنے کاموں سے واپس لوٹ آئے تھے جبکہ بہت سوں نے چُھٹی بھی کرلی۔

 اس میچ کو دیکھنے کے لیے برطانیہ کے بارز میں خاصا رش رہا، میڈیا رپورٹس کے مطابق شہریوں نے میچ کے دوران کھانے پینے پر 215 اور بارز میں 75 ملین پونڈز خرچ کیے۔

انگلینڈ کی فتح پر لندن سمیت مختلف شہروں میں جشن بھی منایا گیا۔

 دوسری جانب امریکا کی ایران کے خلاف ایک صفر سے کامیابی پر امریکا کی مختلف ریاستوں میں بھی جشن منا یا گیا اور شہریوں نے ایک دوسرے کو مبارکباد دی۔

بشکریہ جنگ