بھارت میں پولیس نے باجا بجانے والوں کے کان میں باجا بجوا دیا

بھارت میں پولیس نے نوجوانوں کو موقع پر ہی انوکھی سزا دے دی جس کی ویڈیو سوشل میڈیا پر وائرل ہورہی ہے۔

بھارتی میڈیا کے مطابق ریاست مدھیا پردیس میں پولیس نے باجا بجانے والے کئی نوجوانوں کو پکڑ کر دیگر لوگوں سے انہی کے کان میں باجا بجوا دیا۔

سوشل میڈیا پر سامنے آنی والی ویڈیو میں دیکھا جاسکتا ہے کہ پولیس اہلکار خود بھی نوجوانوں کے کان میں باجا بجاتے ہیں اور ان کو سڑک پر اُٹّھک بیٹھک کی سزا بھی دیتے ہیں۔

باجا بجانے والے نوجوانوں سے پولیس اہلکاروں نے کہا کہ سزا کے طور پر وہ خود بھی اپنے ساتھیوں کے کان میں باجا بجائیں تاکہ ان کو پتا لگے کہ اس کی آواز سے لوگوں کو کیا تکلیف پہنچتی ہے۔

پولیس نے کئی نوجوانوں کے قبضے سے متعدد باجے اپنی تحویل میں بھی لے لئے۔

بشکریہ جنگ