بھارتی وزیر خارجہ کا سکھ رہنما قتل کے پس منظر میں کینیڈا کیخلاف پروپیگنڈا

بھارتی وزیر خارجہ جے شنکر نے سکھ رہنما قتل کیس کے پس منظر میں کینیڈا کے خلاف پروپیگنڈا شروع کردیا۔

واشنگٹن کے ہڈسن انسٹیٹیوٹ میں جے شنکر نے گفتگو کرتے ہوئے کہا کہ کینیڈین وزیراعظم کے الزامات پر کہہ چکے کہ یہ بھارت کی پالیسی نہیں ہے۔

ان کا کہنا تھا کہ دہشتگرد، تشدد کی حمایت کرنے والے انتہاپسند کینیڈا میں قابل قبول ہیں۔

انہوں نے کہا کہ کینیڈا کی سیاست میں شمولیت کے باعث ایسے لوگوں کو کینیڈا میں جگہ دی گئی ہے۔

خیال رہے کہ کینیڈا میں سکھ علیحدگی پسند رہنما ہردیپ سنگھ نجر کو جون میں قتل کیا گیا تھا۔

کینیڈین وزیراعظم جسٹن ٹروڈو نے سکھ رہنما قتل میں ممکنہ طور پر بھارتی ایجنٹ ملوث ہونے کا کہا ہے۔

بشکریہ جنگ