بھارتی سپریم کورٹ کے فیصلے پر پاکستانی دفترِ خارجہ نے کیا کہا؟

مقبوضہ کشمیر کی خصوصی حیثیت سے متعلق کیس کے فیصلے پر ترجمان دفترِ خارجہ کا کہنا ہے کہ بھارتی سپریم کورٹ کا فیصلہ ابھی پڑھ رہے ہیں۔

ترجمان دفترِ خارجہ کا کہنا ہے کہ فیصلے پر شام 4 بجے باضابطہ ردِ عمل جاری کیا جائے گا۔

واضح رہے کہ بھارتی سپریم کورٹ نے فیصلہ سناتے ہوئے بھارتی حکومت کا مقبوضہ جموں و کشمیر کی خصوصی حیثیت کی منسوخی کا حکم برقرار رکھا ہے۔

بھارتی سپریم کورٹ نے فیصلے میں کہا ہے کہ مقبوضہ کشمیر بھارت کا اٹوٹ انگ ہے، بھارت سے الحاق کے بعد کشمیر نے داخلی خود مختاری کا عنصر برقرار نہیں رکھا، آرٹیکل 370 ایک عارضی شق تھی۔

عدالت نے فیصلے میں کہا ہے کہ مقبوضہ کشمیر اسمبلی کے 30 ستمبر 2024ء تک الیکشن کرائے جائیں، بھارتی صدر کے پاس اختیارات ہیں، آرٹیکل 370 جموں و کشمیر کی شمولیت کو منجمد نہیں کرتا، جموں و کشمیر اسمبلی کی تشکیل کا مقصد مستقل باڈی بنانا نہیں تھا۔

بشکریہ جنگ