بلوکی کے پاس ویگن نالے میں گر گئی، 6 افراد جاں بحق

بلوکی کے قریب ویگن کے نالے میں گرنے کے حادثے میں 6 افراد جاں بحق ہوگئے۔

پولیس کے مطابق لاہور کے علاقے بلوکی میں ویگن کے حادثے میں ایک ہی خاندان کے 4 بچے اور 2 خواتین جان کی بازی ہار گئیں۔

پولیس کے مطابق لنگڑا پھاٹک بلوکی کے نزدیک ٹریکٹر ٹرالی کی ٹکر سے ویگن گندے نالے میں گر گئی۔

حادثے میں ویگن میں سوار 6 افراد جاں بحق اور 3 زخمی ہوگئے، جن کو اسپتال منتقل کردیا گیا۔

پولیس کے مطابق جاں بحق افراد میں 2 خواتین اور 4 بچے شامل ہیں، جن کی عمریں 6 سے 45 سال کے درمیان ہیں۔

پولیس کے مطابق جاں بحق افراد کا تعلق ایک ہی خاندان سے ہے، جو رائے ونڈ میں شادی کی تقریب سے گھر واپس آرہے تھے۔

بشکریہ جنگ