بلوچستان میں کورونا کے 16 نئے مریض کی تشخیص، ایک کا انتقال

بلوچستان میں 24 گھنٹوں کے دوران کورونا وائرس نے ایک اور مریض کی جان لے لی۔ صوبے کے چار اضلاع سے 16 نئے مریض سامنے آئے جبکہ کورونا میں مبتلا نو مریض صحت یاب ہوگئے۔ صوبے کے تعلیمی ادارے کا ایک طالب علم کورونا کا شکار ہوگیا۔

محکمہ صحت بلوچستان کے جاری رپورٹ کے مطابق جمعہ کو صوبے میں 362 افراد کے کورونا ٹیسٹ کئے گئے۔ ان ٹیسٹ کے نتیجے میں کوئٹہ سے آٹھ کیسز گوادر سے چھ کیسز، لس بیلہ اور مستونگ سے ایک ایک کیس رپورٹ ہوا۔

صوبے میں کوورنا کے پھیلاؤ کی شرح 4.4 ہوگئی۔ صوبے میں ابتک کورونا وائرس سے متاثر ہونے والوں کی مجموعی تعداد 19 ہزار 306 ہوگئی۔ 

رپورٹ کے مطابق 24 گھنٹوں کے دوران کورونا میں مبتلا 9 مریضوں کے صحت یاب ہونے کے بعد صوبے میں صحت یاب ہونے والوں کی تعداد 18 ہزار 919 ہوگئی، جبکہ صوبے میں ایکٹو کورونا کیسز کی تعداد بڑھ کر 184 ہوگئی۔

صوبے میں 24 گھنٹے کے دوران کورونا میں مبتلا ایک اور مریض جاں بحق ہوگیا، محکمہ صحت کے مطابق بلوچستان میں کورونا سے انتقال کرجانے والوں کی تعداد 203 ہوگئی ہے۔

محکمہ صحت کے مطابق کوئٹہ میں 24 گھنٹوں کے دوران کورونا کی تشخیص کیلئے 264 ٹیسٹ کئے گئے، اس دوران کورونا کے 8 مریض سامنے آیا۔ کوئٹہ میں بھی آج کورونا کی شرح 3فیصد رہی۔

رپورٹ کے مطابق صوبے کے تعلیمی ادارےمیں کورونا کا ایک ٹیسٹ کیا گیا جس میں کورونا کی تصدیق ہوئی۔

بشکریہ جنگ