بلوچستان میں آسمانی بجلی گرنے سے 2 افراد جاں بحق

مشرقی بلوچستان میں مون سون کا آغاز ہوگیا، تمبو میں آسمانی بجلی گرنے سے 2 افراد جاں بحق اور 6 زخمی ہوگئے۔

بارش کے بعد کئی علاقوں میں بجلی کے کھمبے گرنے سے سپلائی معطل ہوگئی، سیلابی صورتحال کے سبب رابطہ سڑکوں پر آمدورفت متاثر ہوئی۔

چیف میٹرولوجسٹ سردار سرفراز نے بارش کے حوالے سے ملک کے سب سے بڑے شہر کراچی کے شہریوں کو خبردار کر دیا۔

دوسری جانب کراچی کے مختلف علاقوں میں بارش کے بعد موسم خوشگوار ہوگیا۔ شہر میں موسلادھار بارش سے نمٹنے کے لیے نالے صاف نہ کیے جاسکے۔

علاوہ ازیں مظفرآباد میں بارش سے سڑکوں پر پانی جمع ہوگیا، جس کے باعث گاڑیاں اور موٹرسائیکلیں پھنس گئیں۔

بشکریہ جنگ