بلوچستان میں امدادی خیموں کے جلسوں میں استعمال کا انکشاف

بلوچستان میں سیلاب متاثرین کے خیموں پر جلسوں میں کارکنوں کو بٹھانے کےلیے استعمال ہونےکا انکشاف  ہوا ہے۔

کوئٹہ کے ایوب اسٹیڈیم میں ہونے والے جمیعت علما اسلام ف کے جلسے میں یو این ایچ سی آر کے خیموں کا استعمال کیا گیا۔

جے یو آئی رہنما حاجی عین اللّٰہ شمس کا کہنا تھا کہ یہ ٹینٹس اسٹیڈیم میں جاگنگ ٹریک کو بچانے کےلیے پی ڈی ایم اے نے دیے تھے۔

اس حوالے سے   پی ڈی ایم اے نے تردید کرتے ہوئے کہا کہ یہ ان کا مینڈیٹ ہی نہیں کہ سیاسی پارٹیز کو ایسی اشیاء مہیا کریں۔

 وزیر اعلیٰ بلوچستان میر عبدالقدوس بزنجو کا کہنا ہے کہ ہمیں اتنی چھوٹی چیزوں میں پڑنا ہی نہیں چاہیے۔

بشکریہ جنگ