بلدیہ عظمیٰ کراچی کے تمام افسران سے اضافی چارج واپس

بلدیہ عظمیٰ کراچی نے تمام افسران سے اضافی چارج واپس لے لیا اور اس حوالے نوٹیفکیشن بھی جاری کردیا ہے۔

نوٹیفکیشن کے مطابق بلدیہ عظمیٰ کراچی نے 18 افسران سے اضافی چارج واپس لیے ہیں۔

ایڈمنسٹریٹر کراچی کے مطابق بلدیہ عظمیٰ کراچی کے تمام افسران سے اضافی چارج واپس لینے کا فیصلہ سندھ ہائیکورٹ کے حکم پر کیا گیا ہے۔

کے ایم سی کے ان 18 افسران کے پاس ڈائریکٹر اور ایڈیشنل ڈائریکٹر کے اضافی چارج تھے۔

نوٹیفکیشن میں تمام محکموں کو احکامات پر عمل درآمد کرکے فوری طور پر رپورٹ جمع کروانے کی ہدایات کی گئی۔

ذرائع کے مطابق بلدیہ عظمیٰ کراچی نے او پی ایس افسران سے بھی اضافی چارج واپس لینے کا فیصلہ کیا ہے۔

بشکریہ جنگ