بلدیاتی بل کے خلاف دھرنے کا ساتواں دن، طلباءواساتذہ کی شرکت، مزدور رہنمائوں کا اظہار یکجہتی

سندھ بلدیاتی بل کی غیر آئینی  شقوں کے خلاف جماعت اسلامی کے تحت  جاری دھرنے کے ساتویں دن طلبا  اساتذہ رہنمائوں کی بڑی تعداد نے شرکت کی اس موقع پر طلبا نے مختلف ترانے پیش کیے اور شہر میں تعلیمی  سہولتوں ،بسوں میں طلبہ کے مفت سفر اور نئے تعلیمی اداروں کے قیام کا مطالبہ کیا .اساتذہ رہنمائوں نے کہا کہ شہر کراچی کے حقوق کی جنگ میں طلبا و اساتذہ شانہ بشانہ حافظ نعیم الرحمن کے سنگ سنگ شریک ہیں.اساتذہ کا کہنا تھا کہ کسی بھی شہر میں اساتذہ و طلبا وہ باشعور طبقہ ہوتا ہے جو ہمیشہ سے اپنے حقوق کی تحریکوں میں ہر اول دستہ ہوتا ہے . شہریوں کے حقوق سلب کرنے والے سندھ حکومت کے جبری قانون واپس لینے تک طلباو اساتذہ بھی اس مہم میں شریک رہیں گے . اس موقع پر حافظ نعیم الرحمن نے بھی طلبا سے خطاب کیا اور یقین دہانی کرائی کہ وہ طلبا کے مفادات کے تحفظ اور بہتر تعلیمی سہولیات کےلیے ہمیشہ طلبا کے ساتھ ہیں.انہوں نے بتایا کہ اس دھرنے میں زندگی کے مختلف شعبوں سے تعلق رکھنے والے ہر طبقہ فکر کے افراد شریک ہورہے ہیں اور ہمیں اپنے تعاون کی یقین دہانی کرارہے ہیں . انکا کہنا تھا کہ کچھ ہی دیر میں مزدور اور یونین رہنما یہاں ہمارے ساتھ اس دھرنے میں شامل ہونے کے لیے آئیں گے .ہمارے ساتھ مزدوروں نے بھی یکجہتی کا اظہار کیا ہے، تاجروں ،طلبا ،اساتذہ ،مائوں بہنوں ،بزرگوں اور بچوں کی شرکت نے اس دھرنے میں جان ڈال دی ہے . یہ دھرنا کراچی کے حقوق کی بحالی تک جاری رہے گا.