بشریٰ بی بی کی مبینہ آڈیو: پی ٹی آئی رہنما نے اصل مسئلہ فون ٹیپنگ کو قرار دے دیا

پاکستان تحریک انصاف (پی ٹی آئی) کے رہنما نے سابق وزیر اعظم عمران خان کی اہلیہ بشریٰ بی بی کی مبینہ آڈیو سے توجہ ہٹانے کی کوشش کرتے ہوئے اصل مسئلہ فون ٹیپنگ کو قرار دے دیا۔

سابق وفاقی وزیر شیریں مزاری کا کہنا ہے کہ آڈیو میں جو بھی ہے وہ غیر ضروری ہے، اصل بات وزیراعظم کی فون ٹیپنگ ہے۔

وزیر دفاع نے کہا کہ پی ٹی آئی کی ڈونلڈ لو کے ساتھ رابطوں کی تصدیق بھی ہوجائے گی، عمران خان کے لوگ امریکا سے معافی تلافی کر رہے ہیں۔

شیریں مزاری نے کہا کہ سپریم کورٹ کے فیصلے کے باوجود فون ٹیپنگ ہورہی ہے، اس میں امریکا کی جانب سے کتنی مدد ہورہی ہے؟ سوچنا چاہیے امریکا نے فون ٹیپنگ میں کتنی مدد کی؟

پی ٹی آئی رہنما نے سپریم کورٹ سے فون ٹیپنگ پر از خود نوٹس لینے کا مطالبہ کرتے ہوئے کہا کہ سپریم کورٹ نے بےنظیر کی حکومت فون ٹیپنگ پر ختم کردی تھی۔

شیریں مزاری نے کہا کہ نیوٹرلز اور حکومت کو عمران خان کی کرپشن سے متعلق کچھ نہیں مل رہا۔

بشکریہ جنگ