برہان قایا ترک جسٹس اینڈ ڈیولپمنٹ پارٹی کے بورڈ آف ایگزیکٹو رکن منتخب

برہان قایا ترک کو صدر رجب طیب ایردوان نے جسٹس اینڈ ڈیولپمنٹ پارٹی کے اعلیٰ ترین فیصلہ ساز ادارے دی سینٹرل ڈیسیشن اینڈ ایگزیکٹو بورڈ کا رکن منتخب کرلیا ہے۔

برہان قایا ترک اس سے قبل حکمران پارٹی کے ڈپٹی ہیڈ آف فارن افیئر کی خدمات سر انجام دے رہے تھے۔

برہان قایا ترک مسلسل تین ادوار میں رکن پارلیمنٹ رہے، وہ ’ترکی، پاکستان انٹر پارلیمنٹری فرینڈشپ گروپ‘ کے مسلسل تین بار چیئرمین بھی رہے ہیں۔

برہان قایا ترک اس وقت پاک ترک کلچرل ایسوی ایشن کے صدر کے طور پر بھی فرائض ادا کررہے ہیں۔

پاکستان سے تعلقات کو فروغ دینے کی کوششوں کے نتیجے میں انہیں حکومتِ پاکستان کی جانب سے ’ستارہ امتیاز‘ سے بھی نوازا گیا ہے۔

برہان قایا ترک نے اعلیٰ تعلیم لاہور یونیورسٹی آف انجینئرنگ اینڈ ٹیکنا لوجی سے حاصل کی ہے۔

بشکریہ جنگ