بجلی کے بل بڑھنے پر برطانیہ میں بجلی چوری بڑھ گئی

بجلی کے بل بڑھنے پر انگلینڈ اور ویلز میں بجلی چوری کے واقعات میں اضافہ ہوگیا۔

غیرملکی میڈیا کے مطابق پولیس کو 12 ماہ میں بجلی چوری کی 3 ہزار 600 شکایات موصول ہوئیں۔

اعداد و شمار کے مطابق بجلی چوری کی شرح میں گزشتہ سال کی نسبت 13 فیصد اضافہ ہوا۔ انرجی بلز گزشتہ برس 1409 پاؤنڈ سے بڑھ کر 2 ہزار پاؤنڈ سالانہ تک جا پہنچے ہیں۔

برطانیہ میں اکتوبر میں انرجی بلز میں مزید اضافے کا امکان بھی ظاہر کیا گیا ہے۔

بشکریہ جنگ